எப்படி இயலும்?

உத்திரத்தின் நடுவே
கௌலிக்கும் பல்லி
ஜன்னல் காற்றில்
படபடபடக்கும் பழைய நாள் காட்டி
தாளகதி மாறா தொனியில்
சுற்றிக்கொள்ளும் விசிறி
கரடு முரடாய் அவ்வப்போது
ஒரு குறட்டையொலி
பாலுக்குச்சிணுங்கும்
பக்கத்து வீட்டு பச்சிளம்
எதோ கண்டு ஊளையிடும்
வாலில்லா பெட்டைநாய்
முகத்தருகே பறந்து
பாடும் சாகா கொசுக்கூட்டம்
நட்ட நடுநிசியில் வீறிட்டெழும்
பாதுகாவலர் ஊதல்
எல்லாம் மீறி
அந்த ஓட்டை குழாயின் நீர்சொட்டும் ஒலியில்
நாள் தவறாது உனது பெயர்.
எப்படித் தூங்குவேன் நான்