Tuesday, May 24, 2011

மாடிப்படி பூனை

ஆம்
இது மதிலில்லைதான் 
இடமா?வலமா? 
என மயங்கி நிற்க .
ஆயின் 
மொட்டை மாடி ஆசையில்
திடுதிடுவென படியேறும் சத்தம்
திடுக்கென 
எழுப்புகையில் 
மேலா கீழா வெனக்கூட  
தேர்விருப்பதில்லை .
என்ன முயன்றும் 
வால் மிதிபடுவதும் 
(ஆ)மாறுவதில்லை .
அரைக்கண் கனவுறக்கத்திலும்
"ஹோ"வென்ற கூச்சல்
குலை நடுக்கையில்...
இடமா வலமா
என முடிவெடுக்கவாயினும் 
ஓர்  உடைந்த
குட்டிச்சுவர் இருந்து தொலைத்திருக்கலாம்
இந்த மாடிப்படி பூனைக்கு !